ఫేస్ బుక్ ప్రేమపెళ్ళి..ముద్దుతో పెళ్ళి పెటాకులు

ఓ ముద్దుతో పెళ్ళి పెటాకులైంది.దీనికి ఉత్తర ప్రదేశ్ లోని ఆలీఘర్ లో పెళ్ళి మండపం వేదికైంది. వధూవరుల బంధు మిత్రుల పలకరింపులతో సందడి సందడిగా ఉంది ఆ వివాహ ప్రాంగణం.వేద పండితుల మంత్రోఛ్ఛారన, మంగళ వాద్యాలు మిన్నంటగా వధువు మెడలో వరుడు మాంగల్యధారణ కానిచ్చాడు. కానీ నివ్వరపోయే దృశ్యం అంతలోనే అక్కడ చోటు చేసుకుంది.

వరుడి పక్కనే ఉన్న అతని వదిన ఉద్రేకంతో అతన్ని ముద్దాడింది.అంతే అవక్కవ్వడం అక్కడున్న వారి వంతయింది.

ఆ తర్వాత వదిన, తన మరిదిని పక్కనే ఉన్న వేదిక మీదకు లాక్కెళ్ళి ఆనంద పారవశ్యంతో అతనితో కాలు కలిపి డాన్స్ చేసింది.దీంతో.. చిర్రెత్తుకొచ్చిన వధువు మండపం మీద నుంచే లేచి వెళ్ళిపోయింది.

ఇరు వర్గాల వారు భాహుభహీ తలపడ్డారు.వధువు తరుపు వారు వరున్ని ఒకరోజు గదిలో బంధించగా.. మరుసటి రోజు వరుని తరుపు బంధువులు వచ్చి అతన్ని విడిపించారు.

పెళ్ళిళ్ళు స్వర్గంలో నిశ్చయమవుతాయని పెద్దలంటారు.ఇప్పుడు ఫేస్ బుక్ లో నిశ్చయమవుతున్నాయనుకోండి! ఈ వధూవరులు కూడా ఫేస్ బుక్ లో పరిచయమై ప్రేమించుకొని పెళ్ళి వరకు వచ్చినవారే.