నందమూరి బాలకృష్ణ మాస్ మసాలా 'లయన్' మూవీ రివ్యూ మరియు రేటింగ్

సినిమా : లయన్ 

నటీనటులు : బాలకృష్ణ, త్రిష, రాధిక ఆప్టే, ప్రకాశ్ రాజ్

సంగీతం : మణిశర్మ

నిర్మాత : రుద్రపాటి రమణారావు 

దర్శకత్వం : సత్యదేవ్ 

విడుదల : మే 14, 2015

రేడియో జల్సా రేటింగ్ : 3/5

'లెజెండ్' తో విజయాన్ని అందుకున్న బాలకృష్ణ తదుపరి చిత్రం 'లయన్' భారీ అంచనాలతో గురువారం ప్రేక్షకుల ముందుకు వచ్చింది.బాలకృష ద్విపాత్రాభినయం చేసిన మాస్ మసాలా ఎంటర్టైనర్ 'లయన్' అందరి అంచనాలను అందుకుందా,బాలయ్య బాబుకు మరో హిట్ ఇచ్చిందా ఇప్పుడు చూద్దాం.

కథ :

సినిమా కథ ముంబై లోని ఒక ఆసుపత్రిలో మొదలౌతుంది.కట్ చేస్తే  గాడ్సే(బాలకృష్ణ) ఒకటిన్నర సంవత్సరం నుండి అదే ఆసుపత్రిలో కోమాలో ఉంటాడు.బాలకృష్ణ ద్విపాత్రాభినయం చేసిన ఈ సినిమాలో ఒక క్యారెక్టర్ గాడ్సే కాగా మరో క్యారెక్టర్ బోస్.గాడ్సే కోమా నుండి బయటపడ్డాక తమ కొడుకు అని వచ్చిన జయసుధ,చంద్రమోహన్ లకు నేను మీ కొడుకును కాదు, నేను బోస్ అని చెప్తాడు.అతను గాడ్సే అని అన్నిరకాల ఆధారాలు చూపించాక తను గాడ్సేనా లేకుంటే బోస్ నా అని తెలుసుకోవడానికి హైదరాబాద్ వస్తాడు. కట్ చేస్తే ......

బోస్ పవర్ ఫుల్ సీబీఐ ఆఫీసర్,ఎవ్వరికీ భయపడడు,అనుకున్నది చేసే టైపు.ఇలా చాలా మందిని జైల్లో పెడతాడు.రాష్ట్ర ముఖ్యమంత్రి అచ్యుతరామయ్య(విజయ్ కుమార్) గుండెపోటుతో మరణిస్తాడు.కాని అది సహజ మరణం కాదని తెలిసి ఆ కేసును సీబీఐ ఆఫీసర్ బోస్ కు అప్పజెప్పుతారు.ఈ కేసు విచారణలో బోస్ చాలా సమస్యలు ఎదుర్కొంటాడు.ఈ కేసులో నిందితులు తన కుటుంబాన్ని వేధిస్తుంటారు.అనుకోకుండా బోస్ మిస్ అవుతాడు.

అ తరువాత ఏం జరిగింది.అసలు బోస్ కు,గాడ్సే కు సంబంధం ఏంటి.అచ్యుతరామయ్య మరణం వెనుక ఎవరున్నారు,త్రిష,రాధిక ఆప్టే లు ఎవరు?ఇలాంటివన్నీ తెలుసుకోవాలంటే థియేటర్ కు వెళ్ళాల్సిందే.

ప్లస్ పాయింట్లు :

• బాలకృష్ణ నటన,డైలాగ్ లు,ఫైట్లు,డ్యాన్స్ 
• సినిమా మొదటి 20 నిమిషాలు 
• కథలో వచ్చే ట్విస్ట్ లు 
• మొదటి సినిమా అయినా పర్వాలేదు అనిపించిన సత్యదేవ్ దర్శకత్వం 
• బాలకృష్ణ,ప్రకాశ్ రాజ్ మధ్యలో వచ్చే ఫోన్ సంభాషణ 
• ప్రీ క్లైమాక్స్,క్లైమాక్స్ 
• బ్యాక్ గ్రౌండ్ సంగీతం 
• రామ్ - లక్ష్మణ్ ల ఫైట్ కంపోస్

మైనస్ పాయింట్లు :

• మొదటి 20 నిమిషాల తరువాత కథ నెమ్మదించడం 
• బాలకృష్ణ,త్రిష ల మధ్య లవ్ ట్రాక్ 
• అంతగా హాస్యానికి ప్రాధాన్యత లేకపోవడం 
• అక్కడక్కడా కావాలని కథ సాగదీయడం 
• స్క్రీన్ ప్లే చెప్పుకోదగ్గ స్థాయిలో లేదు

తీర్పు :

మాస్ కి కావాల్సిన మసాల అంతా ఈ సినిమాలో చొప్పించాడు సత్యదేవ్,కాబట్టి మాస్ ని దాదాపుగా సంతృప్తి చెందుతారు లయన్ సినిమా చూసి బయటికి వచ్చాక.ఇక అభిమానుల గురించి చెప్పాల్సిన పని లేదు.వారికి 100% నచ్చే సినిమా 'లయన్'.

యాక్షన్,ట్విస్ట్ లు కోరుకునే వారిని నిరుత్సహాపరచదు సినిమా.బాలయ్య విజయాల ఖాతాలో మరోచిత్రం లయన్.