Radio LIVE


Breaking News
Showing posts with label International News. Show all posts
Showing posts with label International News. Show all posts

Friday, 15 May 2015

టీవీ సీరియల్ లో రెచ్చిపోయి నటించిన బాలీవుడ్ నటి ప్రియాంక చోప్రా

బాలీవుడ్ నటి ప్రియాంక చోప్రా నటించిన అమెరికా టీవీ సీరియల్ ట్రైలర్ చూశాక OMG అనకుండా ఉండలేరు.తను నటించింది టీవీ సీరియల్ లోనే అయినా సెక్స్ సీన్ లో నటించి అందరిమతి పోగొట్టింది. 'క్వాంటికో' అనే అమెరికా టీవీ సీరియల్ లో మొదటిసారి నటించింది ప్రియాంక.ఈ సీరియల్ లో ప్రియాంకది లీడ్ రోల్.FBI గూఢచారిగా ఈ సీరియల్ లో కనిపిస్తుంది. ఐతే క్వాంటికో మొదటి ట్రైలర్ ను ప్రియాంక తన ట్విట్టర్ ద్వారా షేర్ చేసింది.ఈ ట్రైలర్ లో సహ నటుడితో కారు లో సెక్స్ సీన్ లో నటించింది.మీరు చూడండి.
Read more ...

Tuesday, 5 May 2015

బ్రిటన్ 4వ తరం యువరాణి పేరు ఖరారు

బ్రిటన్ రాజకుటుంబంలోకి వచ్చిన బుల్లి యువరాణి పేరును రాజకుటుంబం ప్రకటించింది.
బ్రిటన్ ప్రిన్స్ విలియమ్స్, కేట్ మిడిల్ టన్ దంపతులకు ఆదివారం రెండవ సంతానంగా ఆడశిశువు జన్మించింది.
కేన్సింగ్ టన్ ప్యాలస్ ఈ చిన్నారి పేరును యువరాణికి ‘చార్లోట్టీ ఎలిజబెత్ డయానా’ అని ప్రకటించింది.
బ్రిటన్ మహారాణి ఎలిజబెత్, విలియమ్స్ తల్లిదండ్రులు చార్లెస్, దయానాల పేర్లు కలిసి వచ్చేట్టు ఈ బుల్లి యువరాణికి పేరు పెట్టినట్లు తెలిసింది.
Read more ...

ఫేస్ బుక్ సీవోవో భర్త డేవిడ్ మృతి

సోషల్ మీడియా వెబ్ సైట్ ఫేస్ బుక్ సీవోవో సెర్లిన్ సాండ్ బర్గ్ భర్త డేవిడ్ గోల్ బర్గ్ మృతి చెందారు.
మంగళవారం 47 ఏళ్ల డేవిడ్ ఆస్పత్రిలో చికిత్స పొందుతూ మృతి చెందారని అధికారులు వెల్లడించారు.
మెక్సికోలోని ఓ రిసార్స్వ కు డేవిడ్ గోల్డ్ బర్గ్ ఫ్యామిలీ ట్రిప్ కోసం వెళ్లారు. డేవిడ్ రిసార్ట్స్ లోని హోటల్ జిమ్ లో ట్రేడ్ మిల్ వాక్ చేస్తుండగా జారీ పడడంతో అతని తలకు గాయాలయ్యాయి. తీవ్ర రక్తస్రావంతో పడి ఉన్న డేవిడ్ ను చికిత్స నిమిత్తం న్యూవో వెల్లట్రా లోని ఓ ఆస్పత్రికి తరలించారు.
అయితే డేవిడ్ తలకు తీవ్రంగా గాయలవడం , రక్తస్రావం ఎక్కువవ్వడం వలన అతన్ని రక్షించలేక పోయామని ఆస్పత్రి వైద్యులు వెల్లడించారు.
Read more ...

Monday, 4 May 2015

రగ్బీ ఆటలో గుండెపోటు..మృతి చెందిన క్రీడాకారుడు

లండన్ లో జరుగుతున్న “ద వేల్స్ ఇంటర్నేషనల్ రగ్బీ లీగ్” లో విషాదం చోటుచేసుకుంది. లీగ్ లో నార్తన్ ఇంగీష్ క్లబ్ కైగ్ లీ కోగార్స్ తరపున డేనీ జోన్స్ అనే క్రీడాకారుడు రగ్బీ ఆడుతున్నాడు.
ఇతను మైదానంలో రగ్బీ ఆడుతూనే కుప్పకూలాడు. హుటాహుటిన మైదానంలోనే ప్రాధమిక చికిత్స అందించిన వైద్యులు అనంతరం రాయల్ ఫ్రీ ఆసుపత్రికి తరలించారు. డేనీ జోన్స్ ఆసుపత్రిలో చికిత్స పొందుతూనే మృతిచెందాడు.
డేనీ కి ఐదు నెలల కవల పిల్లలు ఉన్నారు. డేనీ సహజ నాయకుడని, డ్రెస్సింగ్ రూంలో అతడి స్థానం భర్తీ కాదని, ఆయన మృతితో తాము విషాదంలో మునిగిపోయినట్లు క్లబ్ కైగ్ లీ కోగార్స్ ఓ ప్రకటనలో తెలిపింది.
Read more ...

తెలంగాణ సీఎస్ తో భేటి అయిన ఆస్ట్రియా సైంటిస్టుల బృందం

ఆస్ట్రియా సైంటిస్టుల బృందం తెలంగాణ ప్రభుత్వ ప్రధాన కార్యదర్శి రాజీవ్ శర్మ తో భేటి అయింది.
హుస్సేన్ సాగర్ ప్రక్షాళన, నీటి శుద్ధి వంటి అంశాలపై ఈ సమావేశంలో చర్చించారు.
హుస్సేన్ సాగర్ ప్రక్షాళన కోసం తెలంగాణ ప్రభుత్వం చర్యలు చేపట్టిన విషయం తెలిసిందే.
అయితే ఈ నేపధ్యంలోనే ఆదివారం ఆస్ట్రియా సైంటిస్టుల బృందం హుస్సేన్ సాగర్ ను పరిశీలించారు.
ఈ మేరకు సోమవారం డాన్యూబ్ నదిని శుద్ధి చేసిన పద్ధతిలోనే హుస్సేన్ సాగర్ ని కూడా శుద్ధి చేసే ఛాన్స్ ఉందని వారు సూచించారు.
ఈ బృందం మంగళవారం దీనిపై ముఖ్యమంత్రి KCR కు నివేదికను ఇవ్వనున్నారు.
Read more ...

Sunday, 3 May 2015

ఇరాక్ లో 25 మంది యజిదీల ఊచకోత

ఇస్లామిక్ మిలిటెంట్లు తమ నిర్బంధంలో ఉన్న 25 మంది యజిదీ తెగ ప్రజలను ఉత్తర ఇరాక్ లోని సిరియా సరిహద్దు సమీపాన “తల్ ఆఫర్” పట్టణంలో కాల్చి చంపారు.
యాజిదీ వర్గానికి చెందిన చట్ట సభ సభ్యడు ఈ విషయాన్ని వెల్లడించాడు.
అయితే ఈ ఘటనకు గల కారణాలు ఇంకా తెలియదు. ఇంకా 1400 మంది యజిదీ ప్రజలు ఐసిస్ ఉగ్రవాదుల చెరలో ఉన్నట్లు అంచనా. కాగా వారీని ఇస్లాంలోకి మారడానికి నిరాకరించినందుకే చంపినట్లు బావిస్తున్నారు.
Read more ...

సిరియాలో అమెరికా డ్రోన్ దాడులు..52 మంది మృతి

అమెరికా ఆధ్వర్యంలో సిరియాలోని “అలెప్పో”రాష్టంలో వైమానిక దాడులు జరిగాయి. ఈ దాడుల్లో 52 మంది పౌరులు మృతిచెందారు.
బ్రిటన్ కేంద్రంగా పని చేస్తున్న మానవ హక్కుల ప్రతినిధి  “ రమీ అబ్దుల్ రహ్మాన్” మృతి చెందిన వారిలో 7 బాలలున్నారని తెలిపారు.
శుక్రవారం రాత్రి ఓ గ్రామంపై ఉగ్రవాదులతో పోరాడుతున్న సిరియా, కుర్దిష్ యుద్ధ విమానాలు బాంబుల వర్షం కురిపించాయని, అయితే ఈ ఘటనలో ఉగ్రవాదుల విమానం ఒక్కటి కూడా లేదని ఆయన వెల్లడించారు.
Read more ...

Saturday, 2 May 2015

ఆడ శిశువుకు జన్మనిచ్చిన ప్రిన్స్ విలియమ్స్ భార్య కేట్

ప్రిన్స్ విలియమ్స్ తండ్రి అయ్యాడు.
పండంటి ఆడ శిశివుకు అతని భార్య కేట్ మిడిల్ టన్ జన్మనిచ్చింది.
బ్రిటన్ సింహాసనానికి ఈ పాప నాల్గవ వారసురాలు. శనివారం ఉదయం ఎనిమిదన్నరకు కేట్ మిడిల్ టన్ ప్రసవించినట్లు కేన్సింగ్ టన్ రాజ ప్రాసాదం అధికార వర్గాలు ప్రకటించాయి.
ఈ సందర్భంగా రాజా కుటుంబీకులు భారీ సంబరాల వేడుకకు సిద్దమవుతున్నారు.
Read more ...

నేపాల్ భూకంపం బాధిత గ్రామాన్ని దత్తత తీసుకుంటున్న CRPF

CRPF భూకంపదాటికి అతలాకుతలమైన నేపాల్ ను సహాయం అందించేందుకు మరో అడుగు ముందుకేసింది. భూకంపంలో దెబ్బతిన్న ఒక గ్ర్రామాన్ని దత్తత తీసుకోవాలని నిర్ణయం తీసుకున్నట్లు CRPF సీనియర్ అధికారి ఒకరు అన్నారు.
CRPF ఐజీ అరుణ్ కుమార్ మాట్లాడుతూ.. నేపాల్ లోని "కిరికట్ అనే గ్రామాన్ని" దత్తత తీసుకొని ఆ గ్రామంలో కూలిపోయిన కట్టడాలన్నీ తిరిగి నిర్మించాలనుకుంటున్నట్లు ఆయన పేర్కొన్నారు. అయితే కిరికిట్ గ్రామాన్ని నేపాల్ భూకంపం సంభవించిన తర్వాత ఎవరు సందర్శించాలేదని తమకు సమాచారం అందిందని ఆయన తెలిపారు. అందుకే ఆ గ్ర్రామాన్ని దత్తత తీసుకొని బాగుచేయాలనే నిర్ణయానికి వచ్చినట్లు వెల్లడించారు.
Read more ...

నేపాల్ భూకంపం ఘటనలో 6,624 కు చేరిన మృతుల సంఖ్య



నేపాల్ లో గత శనివారం రిక్టర్ స్కేల్ పై 7.9గా నమోదైన భూకంపం దాటికి భారీగా ప్రాణ, ఆస్తి నష్టం జరిగింది.వేలాది మంది ప్రాణాలు కోల్పోయారు, లక్షాలాది మంది నిరాశ్రయులైనారు. అయితే ఈ భూకంపంలో మృతి చెందిన వారి సంఖ్య రోజురోజుకు పెరిగిపోతుంది. ఈ రోజు ఉదయం కూడా నేపాల్ లో 4.5తీవ్రతతో భూమి కంపించింది.  
ఈరోజు వరకు నేపాల్ భూకంపంలో మృతి చెందిన వారి సంఖ్య 6,624కు చేరిందని మరియు 14,025 మంది క్షతగాత్రులైనట్లు నేపాల్ జాతీయ విపత్తు సంస్థ శనివారం ఓ ప్రకటనలో తెలిపింది.
Read more ...

అంతర్జాతీయ మార్కెట్లో దిగివస్తున్న బంగారం ధర

బంగారం ధర అంతర్జాతీయ మార్కెట్లో తగ్గుతుంది.నిరుద్యోగుల సంఖ్య అమెరికాలో తగ్గిందని గణాంకాలు వెలువడటంతో అక్కడ వడ్డీ రెట్లు పెరిగే అవకాశం ఉందని అంచనాలు కూడా పెరిగాయి.
దీంతో డాలర్ గిరాకి పెరిగిపోవడం వల్ల పెట్టుబడులు బంగారం వైపుకు తగ్గిపోయి డాలర్ వైపుకు మల్లుతున్నాయి.
ఈ నేపధ్యంలో లండన్ మార్కెట్లో ఔన్స్ బంగారం ధర 1172 డాలర్లుకు తగ్గిపోయింది.
ఇక మన భారత దేశంలో విషయానికి వస్తే శుభముహూర్తాలు ఉన్నాయి కాబట్టి దేశీయంగా పసిడి ధర కాస్త ఎక్కువగానే ఉంది.
ప్రస్తుతం హైదరాబాద్ బులియన్ మార్కెట్లో 24 క్యారెట్ల 10 గ్రాముల బంగారం ధర రూ.26,930గా పలుకుతుంది.
Read more ...

Friday, 1 May 2015

నల్లధనం దాచుకుంటే 5 ఏళ్ల జైలు శిక్ష

ఇక నుంచి విదేశాల్లో నల్లధనం దాచుకునే భారతీయులకు 5 ఏండ్ల జైలుశిక్ష పడుతుంది.లోక్ సభ ఈమేరకు విదేశీ మారక ద్రవ్యం యాజమాన్య చట్టం (ఫేమా) సవరణ బిల్లుకు ఆమోదం తెలిపింది. గురువారం ఆర్ధికమంత్రి అరుణ్ జైట్లీ రాజ్యసభలో బిల్లును ప్రవేశపెట్టారు. కాగా HSBC జెనీవాశాఖలో ఖాతాదారులుగా ఉన్న వ్యక్తుల సంస్థల ప్రాసిక్యూషన్ కు ఆదాయం పన్నుశాఖ(ఐటీశాఖ) 121 కేసులు నమోదుచేసింది. గురువారం నల్లధనంపై జస్టిస్ M B షా అధ్యక్షతన ఏర్పాటైన సిట్ సమావేశమై వివిధ దర్యాప్తు సంస్థల నుంచి ఇప్పటివరకు వచ్చిన సమాచారాన్ని విశ్లేషించింది. అంతేకాదు సుప్రీం కోర్టుకు మే 12లోగా సమర్పించాల్సిన నివేదికపై కూడా కోర్టు చర్చించింది.
Read more ...

Thursday, 30 April 2015

19 రోజుల్లో 57 అంతస్తుల ఆకాశ హర్మ్యాన్ని నిర్మించిన చైనీయులు

సాధారణంగా ఎవరైనా చిన్న ఇల్లు కట్టుకోవాలంటే దాదాపు సంవత్సరం కాలం పడుతుంది. అలాంటిది 19 రోజుల్లో 57 అంతస్తుల ఆకాశ హరమ్యాన్ని నిర్మించి చూపించింది చైనాకు చెందిన ఓ భవన నిర్మాణ సంస్థ.
“మినీ స్కై సిటీ” పేరుతో సెంట్రల్ చైనాలోని ఛాంగుషా సమీపంలో దీన్ని నిర్మించారు.

భవనాన్ని దీర్ఘచతురస్రాకారంలో నిర్మించడానికి ఉక్కు, గాజును ఉపయోగించినట్లు భావన నిర్మాణ యజమాని అన్నారు.
అయితే 57 అంతస్తుల భవనం నిర్మించడానికి గాను రోజుకు 3 అంతస్తుల చొప్పున కట్టేసి 19 రోజుల్లో భవన నిర్మాణాన్ని పూర్తి చేసినట్లు ఆయన వివరించారు.
Read more ...

అణు విద్యుదుత్పాదక దేశాల్లో 13వ స్థానంలో ఉన్న భారత్

భారతదేశం అణు విద్యుదుత్పాదక దేశాల్లో 13వ స్థానం దక్కించుకుందని గురువారం ప్రభుత్వం వెల్లడించింది. పవర్ రియాక్టర్ ఇన్ఫర్మేషన్ సిస్టమ్ ఆఫ్ ఇంటర్నేషనల్ అటామిక్ ఎనర్జీ ఏజన్సీ విడుదల చేసిన నివేదికలో భారత్ 13వ స్థానాన్ని కైవశం చేసుకున్న విషయాన్ని తెలిపింది. ఈ మేరకు మంత్రి జితేంద్ర సింగ్ రాజ్యసభలో అడిగిన ఓ ప్రశ్నకు సమాధానం ఇస్తూ.. అణు విద్యుదుత్పత్తి కోసం అత్యధిక రియాక్టరు ఉన్న దేశాల్లో ఇండియా 7వ స్థానంలో ఉందని, ప్రస్తుతం రియాక్టర్ల సామర్ధ్యం 5,780మెగావాట్లు ఉండగా ఇది 2019 కల్లా 10,080 మెగావాట్లకు చేరుతుందని ఆయన అన్నారు.
Read more ...

మలాలాపై దాడిచేసిన నిందితులకు 25 ఏళ్ల జైలు శిక్ష

పాకిస్థాన్ బాలికల విద్యకోసం పోరాడిన నోబెల్ శాంతి పురస్కార గ్రహీత మాలాలా యూసఫ్ జాయ్ పై తాలిబన్లు చేసిన దాడి కేసులో పాకిస్థాన్ కోర్టు తీర్పును ఇచ్చింది.
మలాలాపై దాడి ఘటనలో 10 మంది నిందితులకు 25 ఏళ్ల జైలు శిక్షను ఖరారు చేస్తూ గురువారం పాక్ ఉగ్రవాద నిరోధక కోర్టు తీర్పును ఇచ్చింది. తాలిబన్ ఉగ్రవాదులు 2012 అక్టోబర్ లో మలాలా పై కాల్పులు జరిపిన విషయం తెలిసిందే.
Read more ...

Wednesday, 29 April 2015

తెలంగాణలో అమలుచేయనున్న ఇజ్రాయెల్ సాగు పద్ధతులు

ఇజ్రాయెల్ తమ పంటల సాగుకు అనుసరిస్తున్న ఉత్తమ పద్ధతులు, విధానాలను తెలంగాణ రాష్ట్రంలోను అమలు చేసేందుకు చర్యలు తీసుకుంటామని తెలంగాణ రాష్ట్ర వ్యవసాయశాఖ మంత్రి పొచారం శ్రీనివాస్ రెడ్డి తెలిపారు. ఇజ్రాయల్ లోని టెల్ అవీవ్ లో అంతర్జాతీయ వ్యవసాయ సదస్సు (అగ్రి టెక్ -2015) జరుగుతుంది.
ఈ సదస్సులో పాల్గొనడానికి వెళ్లిన పొచారం బృందం వెళ్లింది. దీనిలో భాగంగానే బుధవారం వారు పలు వ్యవసాయ క్షేత్రాల్లో పర్యటించి వివిధ పంటల సాగు విధానాన్ని పరిశీలించారు. అనంతరం టెల్ అవీవ్ పట్టణానికి 65 కిలోమీటర్ల దూరంలో ఉన్న మొఘల్ అనే గ్రామంలో పంటల సాగును అధ్యయనం చేశారు.
Read more ...

KTR అమెరికా పర్యటన

మే 2వ వారంలోతెలంగాణ పంచాయతీ రాజ్ , ఇతీశాఖ మంత్రి కే.తారక రామారావు అమెరికా పర్యటించనున్నారు. ఈ పర్యటన 15 రోజులపాటు జరగనుంది. ఈ పర్యటనలో KTR అమెరికాలోని వివిధ ప్రాంతాలలో పర్యటించి,తెలంగాణలో పెట్టుబడులను ఆకర్షించడానికి అమెరికాలోని పలు కంపెనీలు,పలువురు పారిశ్రామికవేత్తలతో, మరియు సంస్థలు సమావేశం అవుతారు. తన అమెరికా పర్యటనకు సంబంధించి బుధవారం KTR ట్విట్టర్ లో పేర్కొన్నారు. అమెరికా కంపెనీలకు రాష్ట్ర ప్రభుత్వం రూపొందించిన ఐటీ, పారిశ్రామిక పాలసీలను వివరించునున్నట్లు తెలిపారు. అంతేకాదు అమెరికా లో ఉన్న ప్రవాస తెలంగాణ ప్రజలను కూడా భారీగా పెట్టుబడులు పెట్టాలని కోరనున్నారని సమాచారం.
Read more ...

నేపాల్ భూకంపాన్ని అధ్యయనం చేయనున్న NGRI

జాతీయ భూ భౌగోలిక పరిశోధన సంస్థ (NGRI) శాస్త్రవేత్తలు నేపాల్ లో వచ్చిన భూకంపాన్ని అధ్యయనం చేయనున్నారు.
ఈమేరకు త్వరలోనే నేపాల్ సరిహద్దు ప్రాంతాల్లో వారు పరిశోధనలు చేపట్టనున్నారు.
భూకంపం వచ్చే అవకాశం ఉన్న ప్రాంతాలని ఆ నివేధికల ఆధారంగానే గుర్తిస్తామని దీనివల్ల భూకంపం సంభవించే అవకాశం ఉన్న ప్రాంతాల్లో ప్రాణ, ఆస్తి నష్టం జరగకుండా ముందు జాగ్రత్తలు తీసుకునే అవకాశం ఉంటుందని NGRI అదనపు ఇంఛార్జి C.H. మోహన్ రావు వెల్లడించారు.
Read more ...

ఖాట్మండ్ లో మరోసారి కంపించిన భూమి..6 వేలకు చేరిన మృతుల సంఖ్య

భారీ భూకంపంతో అతలాకుతలమైన నేపాల్ వరుస భూకంపలతో భయాందోళనలను కల్పిస్తుంది. భూకంపం దాటికి భారిగా నష్టపోయిన నేపాల్లో మృతుల సంఖ్య రోజురోజుకు పెరిగిపోతుంది. నేపాల్ ఉపప్రధాని బామ్ దేవ్ గౌతమ్ శిధిలాల కింది నుంచి 6 వేలకు పైగా మృతదేహాలను వెలికితీసినట్లు వెల్లడించారు.
7.9 తీవ్రతతో ప్రారంభమైన పెను భూకంపం దాటికి నేపాల్ లోని చాలా ప్రాంతాలు నెల మట్టమయ్యాయి.అంతే కాదు నేపాల్ కు కొండచరియల ముప్పు పొంచి ఉన్నదని శాస్త్రవేత్తలు హెచ్చరిస్తున్నారు. మరోసారి నేపాల్ లో బుధవారం మధ్యాహ్నం 3.9 గా భూకంప తీవ్రత నమోదైంది. అనంతరం ఖాట్మండ్ లో సుమారు 10 కిలోమీటర్ల పరిధి వరకు మరోసారి భూమి కంపించింది. రిక్టర్ స్కేల్ పై తీవ్రత 4.4 గా నమోదైందని భూగర్భ శాస్త్రవేత్తలు పేర్కొన్నారు.
Read more ...

Tuesday, 28 April 2015

సౌదీలో కుప్పకూలిన భవనం..మృతి చెందిన 10మంది కూలీలు

సౌదీ అరేబియాలో నిర్మాణంలో ఉన్న భవనం కూలి 10మంది కూలీలు మరణించారు. ఈ భవన నిర్మాణం రియాద్ లోని అల్ ఖాసిమ్ విశ్వవిద్యాలయం సమీపంలో జరుగుతుంది. ఈ ఘటనలో మృతి చెందిన వారు 9 మంది పాకిస్తాన్ కు చెందిన కూలీలు కాగా ఒకరు భారత్ కు చెందిన వారు ఉన్నారు. భవనంపై కాంక్రీట్ ను తరలిస్తుండగా ఈ ప్రమాదం జరిగిందని అధికారులు వెల్లడించారు.అయితే ఇప్పటి వరకు 6 మృతదేహాలను వెలికితీయగా మిగిలిన వరీకోసం గాలిస్తున్నట్లు అధికారులు తెలిపారు. ఈ ఘటనలో మరో 10 మంది కూలీలు తీవ్రంగా గాయపడినట్లు తెలుస్తుంది. వీరిని ఆసుపత్రికి తరలించి చికిత్స అందిస్తున్నట్లు సమాచారం.
Read more ...
Designed By Published.. Blogger Templates