రోడ్డు ప్రమాదంలో నందమూరి జానకీ రామ్ మృతి

నటుడు నందమూరి హరికృష్ణ కుమారుడు జానకీరామ్ రోడ్డు ప్రమాదంలో మృతిచెందారు.ఈ దుర్ఘటన ఆయన ప్రయనిస్తోన్న టాటా సఫారీ కారును ట్రాక్టర్ ఢీకొనడంతో సంభవించింది.ఈ ప్రమాదం నల్లగొండ జిల్లా మునగాల మండలం ఆకుపాముల వద్ద చోటుచేసుకుంది.జానకీరామ్ హైదరాబాద్ నుంచి విజయవాడకు వెళ్తుండగా ఈ సంఘటన జరిగింది.ఆయనను కోదాడ ఆస్పత్రికి తరలించి చికిత్స జరిపించిన లాభం లేకపోయింది.పరిస్థితి విషమించడంతో ఆయన మృతిచెందారు.జానకీరామ్ మృతిపట్ల సీఎం కేసీఆర్ తీవ్ర సంతాపం వ్యక్తం చేశారు.ఆయన మరణ వార్త తెలిసి తాను తీవ్ర దిగ్భ్రాంతికి లోనైనట్లు పేర్కొన్నారు.జానకీరామ్ మృతి హరికృష్ణ కుటుంబానికి తీరనిలోటని తన ప్రగాఢ సానుభూతిని తెలియజేశారు.ఢిల్లీ పర్యటనలో ఉన్న కేసీఆర్ ఈ మేరకు సంతాప సందేశం విడుదల చేశారు.