ఇండియాలో పెరుగుతున్న ఫేస్ బుక్ వినియోగం

ఇండియాలో ఫేస్ బుక్ వినియోగం పెరుగుతుందని ఆ సంస్థ తెలిపింది. సెప్టెంబర్ నాటికి ఫేస్ బుక్ వినియోగదార్ల సంఖ్య 11.2 కోట్లకు చేరింది.ప్రపంచవ్యాప్తంగా ఈ సంఖ్య 132 కోట్లుగా ఉంది. రోజుకొక్క సారైనా ఫేస్ బుక్ ని సందర్శించే వారి సంఖ్య ప్రపంచవ్యాప్తంగా 84 కోట్లుగా ఉండగా మన ఇండియాలో ఈ సంఖ్య 5 కోట్లుగా ఉంది. అత్యధిక యూజర్లు ఉన్న దేశంగా అమెరికా మొదటి స్థానంలో ఉండగా, ఇండియా రెండవ స్థానంలో ఉంది. దీనికి ముఖ్య కారణం.. ఇంటర్నెట్ విస్తరణ,యువ జనాభా పెరగడం.