నేను గే ఐనందుకు గర్విస్తున్నా : ఆపిల్ సిఈవో టిమ్ కుక్

బ్లూమ్ బర్గ్ బిసినెస్ వీక్ లో రాసిన ఓ కథనంలో ఆపిల్ కంపనీ సీఈవో టిమ్ కుక్ తాను 'గే' నని బహిరంగంగా పేర్కొన్నాడు. ఇతరులు సెక్స్ ఓరియంటేషన్ తెలపడంలో తన మద్దతు ఎప్పుడూ ఉంటుందన్నారు. తాను 'గే' నని బహిరంగంగా ప్రకటించిన అమెరికన్ కంపెనీ సీఈవోల్లో టిమ్ కుక్ మూడవ వాడు. తాను 'గే' గా జీవించడం దేవుడిచ్చిన వరమని ఆయన అన్నారు.'గే' నని ప్రకటించినందుకు గాను ట్విట్టర్ లో టిమ్ కుక్ కు ప్రశంశలు వెల్లువెత్తాయి. మొదటి నుంచి ఆపిల్ కంపెనీ లెస్బియన్, బై సెక్సువల్, గే, ట్రాన్స్ జెండర్ కమ్యూనిటీ హక్కులకు మద్దతు తెలుపుతుంది.
తాను 'గే' అన్న విషయం కంపెనీలో పనిచేసే సహోద్యోగులకు చాలా మందికి తెలుసు,అయినప్పటికీ ఏఒక్కరూకూడా నన్ను అదోలా చుడడంగానీ,మాట్లాడడంగానీ చేయలేదు అని కుక్ చెప్పారు.