కలల కొలువుకు ఇంటర్న్ షిప్

ఇంటర్న్ షిప్ కెరీర్ లో మొదట ఉద్యోగం సంపాదించడానికి ఎంతగానో ఉపయోగపడుతుందని చాలామంది ఉద్యోగస్థులు, విద్యార్ధులు అభిప్రాయపడుతున్నారు.
ఈ విషయం ప్రముఖ ప్రొఫెషనల్ నెట్ వర్కింగ్ వెబ్ సైట్ లింక్డ్ ఇన్ చేపట్టిన సర్వేలో వెల్లడైంది.మొదటి ఉద్యోగానికి ఆ అనుభవం ఎంతగానో ఉపయోగ పడుతుందని , ఇంటర్న్ షిప్ ద్వారా ఉద్యోగం సంపాదించడం కాస్త సులువు అవుతుందని 53% మంది లింక్డ్ ఇన్ సర్వేలో అభిప్రాయం వ్యక్తం చేశారు.
ఇంటర్న్ షిప్ కోరుకున్న జీతం, మంచి పని నేపధ్యం ఉన్న కలల కొలువును సొంతం చేసుకోడానికి ఉపయోగపడుతుందని ఈ సర్వే తెలిపింది.
సోషల్ మీడియా ద్వారా ఎప్పటికప్పుడు అప్ డేట్ అవ్వడం కూడా ముఖ్యమని పలువురు ఉద్యోగులు, విద్యార్ధులు తెలిపారు. ఈ సర్వే ప్రకారం…
26% మంది ఐటీ రంగంలో
11% మంది ప్రొఫెషనల్ సర్వీస్ లో
10%మంది ఫైనాన్స్ రంగంలో ఉద్యోగం కోరుకుంటున్నారు.
అయితే ఈ సర్వే ప్రకారం.. 39% మంది ఉద్యోగంలో వృత్తిలో సంతోషానికి,
39% మంది డబ్బు
33% మంది కెరీర్ అభివృద్ధికి ప్రాధాన్యం ఇస్తున్నారు.