పట్టణాన్ని ముంచెత్తనున్న హవాయి దీవుల్లోని కిలోయియా లావా

హవాయి దీవుల్లోని కిలోయియా అగ్నిపర్వతం లావాను నిరంతరాయంగా చిమ్ముతుండడంతో ఓ పట్టణానికి ప్రమాదం ముంచుకొచ్చింది. ఈ అగ్నిపర్వతం లావా జూన్ 27 నుంచి చిమ్మడం మొదలై ఇప్పుడు పహోవ పట్టణ సమీపానికి దూసుకొచ్చింది. ఇప్పటికే శ్మశాన వాటికను మింగేసి, ఆ పట్టణంలోని మొదటి గృహాన్ని ముంచెత్తబోతుంది. గంటకు 10 మీ.గా లావా ప్రవాహం ఉంది. దీని ఉష్ణోగ్రత 900 డిగ్రీల సెల్సియస్ గా ఉంది. లావా ప్రవాహ దిశలో ఉన్న దుకాణాలను, పాఠశాలను ఇప్పటికే మూసివేశారు.