ఉత్తమ విలన్ సినిమా విడుదల నిలిపివేత

ప్రపంచవ్యాప్తంగా మే 1 న “ఉత్తమ విలన్“ చిత్రం 1500 ధియేటర్లలో విడుదల చేయనున్నామని గతంలో ఈ చిత్ర వర్గాలు ప్రకటించాయి.
అయితే శుక్రవారం విడుదల కావాల్సిన ఈ సినిమాను ఆర్ధిక పరమైన సమస్యల కారణంగా సినిమా విడుదలను నిలిపివేస్తున్నట్లు చిత్ర వర్గాలు తెలిపాయి.
దీంతో శుక్రవారం ఉదయం ధియేటర్లకు వెళ్లిన అభిమానులకు నిరాశే ఎదురైంది.

రమేష్ అరవింద్ దర్శకత్వం వహించిన ఈ చిత్రానికి కథ, మాటలు, స్కీన్ ప్లే కమలహాసన్ అందించారు.
 కాగా ఈ సినిమాలో కథానాయకుడిగా కమలహాసన్, పూజకుమార్, ఆండ్రియా, K.బాలచందర్, నాజర్, ఊర్వశి, విశ్వనాధన్ లు కీలక పాత్రలు పోషించారు.
 అయితే గత కొంతకాలంగా “ఉత్తమ విలన్” సినిమాలో “వరాహ అవతారాన్ని” హేళన చేసేలా సాహిత్యం, సన్నివేశాలు ఉన్నయని, వాటిని తొలగించాలని VHP నేతలు డిమాండ్ చేసినప్పటికీ చిత్ర యూనిట్ నుంచి ఎలాంటి స్పందన లేకపోవడంతో VHP కార్యకర్తలు జేపాక్ సమీపంలో రెండ్రోజుల క్రితమే ఆందోళన చేపట్టారు గమనార్హం.