నేపాల్ భూకంపంలో మృతిచెందిన ఎటకారం సినిమా డ్యాన్స్ మాస్టర్

ఎటకారం సినిమా అసిస్టెంట్ కోరియోగ్రాఫర్ విజయ్ నేపాల్ భూకంప ప్రమాదంలో మృతి చెందారు.
కేమెర మెన్ నవీన్ తెలిపిన వివరాల ప్రకారం: ఎటకారం సినిమా షూటింగ్ కోసం సినిమా యూనిట్ సభ్యులు నేపాల్ కి వెళ్లారు.
అయితే నేపాల్ భారీ భూకంపం నేపధ్యంలో వారు తమ షూటింగ్ ని అర్ధాంతరంగా ముగించుకుని తిరుగు ప్రయాణం అయ్యారు. నేపాల్ దాటి కొంత దూరం వచ్చారు. మూడు వాహనాల్లో చిత్ర యూనిట్ బయలుదేరింది.
యూనిట్ సభ్యులతో విజయ్ మూడవ వాహనంలో ప్రయాణిస్తున్నాడు.
ఈ సందర్భంలోనే మరోకసారి భూకంపం సంభవించడంతో మూడవ వాహనం ప్రమాదానికి గురైంది. ప్రమాదంలో విజయ్ గాయపడ్డారు.
ఘటన స్థలంలో ఉన్న పోలీసులు అతన్ని ఆసుపత్రికి తరలించిన 10 నిముషాలకే ఎటకారం డ్యాన్స్ మాస్టర్ విజయ్ మృతి చెందారు. ప్రస్తుతం భాండాలో మృతదేహానికి పోస్ట్ మార్టం నిర్వహిస్తున్నారు. చిత్ర యూనిట్ సభ్యులు కూడా అక్కడే పోలీసు స్టేషన్ లో నిరీక్షిస్తున్నారు.
 గుంటూరు జిల్లా బాపట్ల విజయ్ స్వస్థలం. ప్రస్తుతం మృతదేహాన్ని హైదరాబాద్ కు తరలించే ఏర్పాట్లు చేస్తున్నారు.