మోడల్ పై పోలీసులు అత్యాచారం: ముగ్గరు అరెస్ట్

ముంబాయి లోని పోలీసు శిబిరంలో ముంబైకి చెందిన ఓ మోడల్ పై పోలీసులు అత్యాచారానికి పాల్పడినట్లు ఆరోపణలు రావడంతో ఉన్నతాధికారులు స్పందించారు. ఈ ఘటనకు సంబంధించి ముగ్గురు పోలీసులను అరెస్టు చేసినట్లు ముంబాయి పోలీసు వర్గాలు తెలిపాయి.

ఏప్రిల్ 4 న ముంబైకి చెందిన ఓ మోడల్ ఆడిషన్ నిమిత్తం 5నక్షత్రాల హోటల్ కి వెళ్లి తిరిగి వస్తుండగా పోలీసులు ఆమెను అడ్డుకొని బలవంతంగా వాహనంలోకి ఎక్కించారు. అనంతరం తనని పోలీసు శిబిరానికి తీసుకెళ్లి తనపై అత్యాచారానికి పాల్పడినట్లు, అనంతరం తన వద్ద ఉన్న 4.5 లక్షలు నగదు తీసుకున్నట్లు మోడల్ ఫిర్యాదు చేసింది.

ఈ మేరకు ముంబాయి పోలీసు కమిషనర్ రాకేశ్ మరియా కు పోన్ లో మెడల్ సమాచారమందించింది.
స్పందించిన కమిషనర్ తన కార్యాలయానికి ఆమెను పిలిపించి పూర్తి వివరాలు సేకరించి విచారణ చేపట్టాలని అధికారులను ఆదేశించారు.
ఈ ఘటనలో ఇద్దరు అసిస్టెంట్ పొలీస్ ఇన్ స్పెక్టర్లను, ఒక హెడ్ కానిస్టేబుల్ ను అరెస్టు చేసినట్లుకమిషనర్ వెల్లడించారు.